2015/10/15 壹週刊 第1336期

探熱針
古巨基千萬炮製冧老婆
忙於籌備下個月十一日,在香港四季酒店補擺喜酒,兼要分身搞世界巡迴演唱會的古巨基,上星期六(十月十日)在深圳舉行巡迴首站。
演唱會同婚宴同等重要,基仔落重本搞 3D裸視舞台效果外,由於婚禮逼近,令他忍唔住在台上晒愛,罕有地公開二十年前拍拖照,冧爆老婆 Lorraine。

一出場基仔坐住架飛船從天而降,再配合埋 3D動畫,相當有氣勢。

婚禮改期
古巨基的世界巡迴演唱會以深圳作為開鑼首站,為了這次演唱會,基仔焗住將婚禮日期押後。
「本來基仔同 Lorraine想特別啲,諗咗喺結婚一周年嗰日(七月十二日)補擺喜酒,諗住同親戚朋友一齊慶祝會好玩啲,但開演唱會嘅計劃亦係 on schedule,如果同一時間搞兩個大 project,佢哋擔心應付唔嚟,加上最啱心水個婚禮場地佢哋想要嗰日又俾人訂咗,其他地方又揀唔啱,幾經考慮決定將婚禮改期。佢哋搵人再擇日,結果定咗係四條一( 11月 11日),個日子仲好記。」基仔身邊人說。

演唱會中基仔公開了一張廿年前同老婆在加拿大影的合照,這張合照極為罕有,因為古太一向甚少影相,之後更播出二人結婚相。



基仔在台上爆料,指自己父母同外父外母當晚都有到場睇騷。

嚴重超支
向來一絲不苟的基仔,今次深圳首站舞台全面用上 LED熒幕,再配合 3D裸視(毋需戴立體眼鏡都有 3D立體效果)動畫,視覺效果相當震撼。
「籌備演唱會嗰段時間,每次開會,基仔都有啲新 idea,製作費亦愈來愈高,最後埋單過千萬人民幣,嚴重超支。」一名演唱會幕後人員說。
要觀眾有最好效果,揼本之餘,基仔出埋心!預留一 part送給另一半,唱韓文歌《來自星星的你》主題曲《 My Destiny》外,寫給老婆的《找到妳是我最偉大的成功》更加唔少得,唱到尾段,熒幕播出一張基仔與 Lorraine二十年前在加拿大拍拖的極罕合照,之後再有兩人去年在拉斯維加斯影的結婚相,古巨基,公開晒愛。

錢國偉結完婚,第二日就上深圳擔任演唱會監製,基仔表示 Wilson今次相當唔話得。

完騷後,基仔在酒店樓下被歌迷重重包圍,要保安開路才可返上房。

除了唱自己的首本名曲外,基仔更唱了多首《我是歌手》參賽歌曲,例如《情人》、《突然好想你》及《 Monica》等歌曲。

另一吸睛位,就是現場出現了一隻有三層樓高巨型吹氣獅子。


撰文、攝影、攝錄:娛樂組
~
Powered by Discuz!7.0 Design by loveucn.com
基本色 ( 京ICP备15028471号)|联系我们 |WAP
GMT+8, 2017-10-24 19:10, Processed in 0.004606 second(s), 6 queries