2015/09/28 即時新聞

on.cc
開騷玩裸視 古巨基製作費使凸唔驚詐型

基仔婚後首個巡唱於下月10日在深圳揭幕。
【on.cc東網專訊】 古巨基(基仔)婚後首個「《我們》世界巡迴演唱會」下月10日在深圳揭幕,近日他忙於為演唱會排舞,每日跳足兩、三個鐘,他大爆演唱會以穿越時空做主題,大玩裸視立體影像,製作費預算極之龐大:「經理人Mani(霍汶希)睇到條數都嘩嘩聲,話條數好大!(擔心公司扣歌酬當補貼?)歌酬不但冇減,比以前多咗喎,我幾年冇開,通貨膨脹都要加少少,我幫公司搵到就得!」因已落實多個巡唱地點,他擔保埋數時公司睇到盤數會笑。
唔係裸體
今次基仔參與很多幕後工作,像舞台設計要營造一個穿越時空的現場感,造型方面會比較形象化:「我想做裸視立體影像配合,即係唔使戴任何眼鏡,就有立體影像感覺。(以為你裸體?)嗰啲係透視眼嚟!」又大爆為配合穿越時空主題,會設計一隻巨型時光機,他會在半空中登場:「其實我幾乎次次演唱會都係空中出場,可能覺得咁樣威啲。」
不會露肉
上次演唱會基仔狂操,大晒麒麟臂,今次他未有打算露肉:「我不嬲唔係賣呢樣嘢,今次都有操練,主要修身同唱歌夠氣嘅規格就夠喇。」演唱會中勁歌熱舞部分,他覺得聽覺、視覺都要豐富。太太Lorraine可會上台合唱?基仔說:「佢會喺台底,佢啲歌喉唔會喺台上表演。」既忙於準備演唱會,又要籌備11月的婚宴,日前他才去視察婚宴場地:「好多濕碎嘢要搞,真係頭都大埋!」此外,基仔為內地節目演秋晚,並扮演四大才子。


古巨基爆演唱會以穿越時空做主題,大玩裸視立體影像。

依家正努力綵排。

雖然係綵排,但都好認真。

好有型呀!

仲唱到好投入添!

一路唱一路同Dancer排舞。

仲有唔少靚女Dancer添!

真係好令人期待呀!

慢歌有慢歌嘅舞步。

快歌梗係都有喇!

好Chok呀!

背貼背一樣冇問題。

跳到攰,抖吓先。
~
Powered by Discuz!7.0 Design by loveucn.com
基本色 ( 京ICP备15028471号)|联系我们 |WAP
GMT+8, 2017-10-24 08:14, Processed in 0.005955 second(s), 7 queries